8 डिसेंबर 2025
महाड – शेवगा लागवड प्रकल्प संदर्भात महत्त्वपूर्ण बैठक
महाड येथे विश्वरूप प्रतिष्ठानच्या प्रोजेक्ट डायरेक्टर मा. मीनल बुटाला व कृषी अधिकारी श्री. धीरज तोरणे यांच्यात शेवगा लागवड प्रकल्पासंदर्भात सविस्तर चर्चा झाली.
या बैठकीत शेवग्याच्या लागवडीसाठी तांत्रिक मार्गदर्शन, कृषी खात्याकडून मिळणारे सहाय्य, तसेच आदिवासी व ग्रामीण महिलांच्या आर्थिक सक्षमीकरणासाठी संयुक्त उपक्रम राबवण्यावर भर देण्यात आला.
कृषी विभागाकडून सातत्यपूर्ण सहकार्य देण्याचे आश्वासन मिळाले.
10 डिसेंबर 2025
कृषी महाविद्यालय, आचलोळी (महाड) भेट
मा. मीनल बुटाला यांनी कृषि महाविद्यालय आचलोळी येथे भेट देऊन शेवगा प्रकल्प, फूड टेक्नॉलॉजी कोर्सेस आणि ग्रामीण महिलांच्या कौशल्यविकासावर चर्चा केली.
या बैठकीत रायगड शिक्षण संकुलाचे अधिकारी, प्राचार्य व प्राध्यापक उपस्थित होते.
स्थानिक युवक-युवतींना शेती व तंत्रज्ञानाच्या माध्यमातून स्वावलंबी करण्यावर विशेष भर देण्यात आला.
11 डिसेंबर 2025
महाड पंचायत समिती – BDO यांच्यासोबत बैठक
महाड पंचायत समितीचे BDO मा. श्री. साळुंखे सर यांच्यासोबत विश्वरूप प्रतिष्ठानच्या शेवगा प्रकल्पावर सखोल चर्चा झाली.
या बैठकीत कृषी सखी, लखपती दीदी योजनेअंतर्गत महिलांच्या सक्षमीकरणासाठी सहकार्याचे आश्वासन देण्यात आले.
१६ डिसेंबर रोजी पंचायत समिती सभेत प्रकल्प सादरीकरण करण्याचा निर्णय झाला.
16 डिसेंबर 2025
मुख्यमंत्री समृद्ध पंचायतराज अभियान – प्रशिक्षण कार्यक्रम
महाड पंचायत समिती येथे आयोजित प्रशिक्षणात 20 ग्रामपंचायती सहभागी झाल्या.
मा. मीनल बुटाला यांनी शेवगा प्रकल्प, कंपोस्ट खत निर्मिती व भाजीपाला उत्पादनावर मार्गदर्शन केले आणि ग्रामपंचायतींना ठराव पारित करण्याचे आवाहन केले.
या प्रशिक्षणामुळे अनेक ग्रामपंचायतींनी विश्वरूप प्रतिष्ठानशी प्रकल्प राबवण्यासाठी संपर्क साधला.
(डिसेंबर – गोरेगाव, माणगाव तालुका)
स्त्री शक्ती ग्राम संघ – शेवगा प्रकल्प सक्षमीकरण कार्यक्रम
गोरेगाव येथे स्त्री शक्ती ग्राम संघाच्या माध्यमातून शेवगा प्रकल्प सक्षमीकरण कार्यक्रम आयोजित करण्यात आला.
३० पेक्षा अधिक महिलांची उपस्थिती असून महिलांनी प्रकल्पाबाबत उत्स्फूर्त प्रतिसाद दिला.
महिला सक्षमीकरणासाठी विश्वरूप प्रतिष्ठानच्या पुढील सहकार्याबाबत सकारात्मक चर्चा झाली.
(डिसेंबर – महाड तालुका ग्रामीण भेटी)
ग्रामीण युवक व शेतीपूरक व्यवसाय प्रोत्साहन
दाभोळ व रिंगीचा कोंड गावांमध्ये भेट देऊन स्थानिक शेतकऱ्यांशी संवाद साधला.
हॅचरी व्यवसायातून युवकांना गावातच रोजगाराच्या संधी कशा उपलब्ध होऊ शकतात, याचे यशस्वी उदाहरण पाहायला मिळाले.
ग्रामीण तरुणांना प्रशिक्षण व बाजारपेठ जोडणीसाठी विश्वरूप प्रतिष्ठानची भूमिका स्पष्ट करण्यात आली.
28 डिसेंबर 2025
सांदोशी (महाड तालुका) – दुर्गम आदिवासी गावात शेवगा रोप वाटप
रायगडच्या पायथ्याशी असलेल्या सांदोशी गावात 20 आदिवासी महिलांनी एकत्र येत शेवगा रोपांची सामूहिक लागवड सुरू केली.
महिलांनी स्वतः खड्डे तयार करून रोपे स्वीकारली व शंभर टक्के रोपे जगवण्याचा निर्धार केला.
हा उपक्रम ग्रामीण महिला सक्षमीकरणाच्या दृष्टीने एक महत्त्वपूर्ण टप्पा ठरला.
निष्कर्ष
डिसेंबर महिन्यात विश्वरूप प्रतिष्ठानने
महिला सक्षमीकरण शेतीपूरक व्यवसाय शेवगा लागवड युवक प्रशिक्षण पंचायत समिती व शासकीय यंत्रणांशी समन्वय
या सर्व क्षेत्रांत प्रभावी कार्य केले.
ग्रामीण भागात आर्थिक स्वावलंबन, पर्यावरण संवर्धन आणि शाश्वत विकासाची मजबूत पायाभरणी झाली.